پیر , 17 مئی 2021ء
(160) لوگوں نے پڑھا
لاہور کے علاقہ میں فائرنگ سے 1 شخص شدید زخمی ہوگیا۔ تفصیلات کے مطابق باٹاپورمیں دیرینہ رنجش کی بنا پر محلے داروں علی نواز اور سجاول کے درمیان جھگڑا ہوا جس پر طیش میں آکر ملزم سجاول نے فائرنگ کرکے علی نواز کو شدید زخمی کردیا اور موقع سے فرار ہوگیا۔ اہلِ علاقہ کی جانب سے پولیس کو اطلاع دینے پر پولیس نے موقع پر پہنچ کر مقدمہ درج کرلیا۔ پولیس کے مطابق متاثرہ شخص چکن سینٹر چلاتا ہے اور کچھ روز قبل بھی دونوں کا آپس میں جھگڑا ہوا تھا جس پر اہل علاقہ نے دونوں ک صلح کروائی تھی۔ زخمی کو ہسپتال منتقل کردیا گیا، جہاں اس کی حالت خطرے سے باہر ہے۔ پولیس کا کہنا ہے کہ ملزم کو گرفتار کرنے کے لئے ٹیم تشکیل دے دی گئی ہے، مفرور ملزم کو جلد گرفتار کرلیا جائے گا۔
