ہفتہ , 27 مارچ 2021ء
(346) لوگوں نے پڑھا
لاہور کے علاقہ شاہدرہ میں معمولی تلخ کلامی پر نوجوان کو قتل کردیا گیا۔ تفصیلات کے مطابق وقاص عرف کاشی نامی نوجوان کا اپنے محلےداروں سے معمولی تلخ کلامی پر جھگڑا ہوا، تیش میں آکر ملزم نے فائرنگ کردی جس کی زد میں آکرعبداللہ نامی نوجوان زخمی ہوگیا۔ اہلِ علاقہ کی جانب سے پولیس کی ہیلپ لائن مددگار 15 پر حادثہ کی اطلاع دی گئی جس پر پولیس نے موقع پر پہنچ کر زخمی کو ہسپتال پہنچایا جہاں وہ جانبر نہ ہوسکا۔ پولیس نے مقتول کے والد کی مدعیت میں زیرِ دفعہ 302 کے تحت مقدمہ درج کرلیا۔ جبکہ علاقہ مکینوں کا کہنا ہے کہ ملزم وقاص عرف کاشی کا علاقہ میں جرائم پیشہ گروہ ہے اور اس گروہ کے تمام کارندے جدید اسلحہ سمیت سرے عام پھرتے رہتے ہیں، پولیس نے مقدمہ درج کرلیا مگر ان کے خلاف کسی بھی قسم کی کارروائی کرنے سے گریزاں ہے۔ اہلِ علاقہ نے پولیس کے اعلٰی حکام سے اپیل کی ہے کہ مظلوم خاندان کو انصاف فراہم کیا جائے اور ملزم کو گرفتار کیا جائے۔
