دورانِ تیراکی نوجوان ڈوب کر جانبحق ہو گیا

لاہور کی بمباںوالی راوی بیدیاں نہر میں نہانے کے دوران 1 نوجوان ڈوب کر جانبحق ہوگیا۔ جانبحق نوجوان مبشر ایوب گھونڈ گاؤں کا رہائشی، نور محمد چوکیدار (گورنمنٹ گرلز ہائی سکول ہیئر) کا بھانجا تھا جوکہ ہیئر میں کاروبار کرتا تھا۔ نوجوان کے 2 دوستوں نے بتایا کہ نہر کو ایک کنارے سے دوسرے کنارے تک عبور کرنے کے لئے تینوں دوستوں نے مل کر چھلانگ لگائی جن میں سے دونوں دوست نہر کو پار کر گئے جب کے مبشر ایوب تھک گیا اور کی سانسیں اس کا ساتھ چھوڑ گئیں اور وہ کنارے تک نہ پہنچ سکا۔ اردگرد میں موجود لوگوں نے اُسے بچانے کی کوشش کی مگر وہ دیکھتے ہی دیکھتے گہرے پانی میں گم ہو گیا۔ بعد ازاں حادثے کی اطلاع ملنے پر ریسکیوعملے نے موقع پر پہنچ کر مرحوم کی لاش کو پانی میں سے تلاش کیا اور ورثہ کے حوالے کردیا۔ اہلِ علاقہ میں نوجوان کی موت کی خبر سُن کر دکھ کی لہر ڈور گئی اور انہوں نے والدین سے درخواست کی ہے کہ خدارا اپنے بچوں کو گہرے پانی میں دوستوں کے ساتھ شرط لگا کر نہانے سے سختی منع کریں۔۔