بدھ , 10 مارچ 2021ء
(233) لوگوں نے پڑھا
لاہور کے علاقہ اسلام پورہ میں واقع احتساب عدالت میں مسلم لیگ ن کی ایم پی اے نے پولیس لیڈی کانسٹیبل کو تھپڑ مار دیا۔ تفصیلات کے مطابق احتساب عدالت کے باہر خاتون پولیس کانسٹیبل انعم فاطمہ نے لیگی ایم پی اے تنویر بی بی کو بیرئیر عبور کرنے سے منع کیا جس پر لیگی ایم پی اے نے مبینہ طور پر خاتون پولیس اہلکار کو تھپڑ رسید کردیا۔ پولیس نے سپیکر پنجاب اسمبلی چودھری پرویز الہٰی کی اجازت سے لیڈی کانسٹیبل انعم فاطمہ کی مدعیت میں تنویر بی بی سمیت 5 نامعلوم افراد کے خلاف مقدمہ درج کر لیا۔ پولیس کے مطابق مقدمے کے اندراج کی منسوخی کو لیگی ایم پی اے کی معافی سے مشروط کیا گیا۔ تاہم ابھی تک لیگی ایم پی اے تنویر بی بی نے لیڈی کانسٹیبل سے معافی نہیں مانگی۔
