منگل , 24 نومبر 2020ء
(227) لوگوں نے پڑھا
پنجاب حکومت نے کورونا وائرس کی مقامی منتقلی کو قابو کرنے کیلئے بڑا فیصلہ کر لیا۔ محکمہ پرائمری اینڈ سیکنڈری ہیلتھ کیئر نے نوٹیفکیشن جاری کر دیا۔ نوٹیفکیشن وزیراعلیٰ پنجاب عثمان بزدار کے حکم پر جاری کیا گیا ہے۔ مراسلہ کے مطابق حکومت نے کورونا سے بچاؤ کیلئے دفاتر میں حاضری 50 فیصد کر دی۔ پنجاب کے تمام سرکاری و نجی دفاتر 50 فیصد عملے کے ساتھ دفاتر میں کام کریں گے۔ دفاتر کا 50 فیصد عملا گھروں میں رہ کر فرائض سر انجام دیں گے۔ تمام دفاتر میں 50 فیصد حاضری کا حکم 20 جنوری تک نافذ العمل رہے گا۔ کیپٹن (ر) محمد عثمان کا کہنا ہے کہ 50 فیصد عملہ گھروں اور 50 فیصد دفاتر میں کام کرے گا۔ 31 جنوری تک عملہ گھر سے کام کرنے کی پالیسی پر عمل کرے۔ کورونا کنٹرول کرنے کیلئے دفاتر میں محض 50 فیصد عملے کو ہی بلائیں۔ دفاتر آنے والے کورونا ایس او پیز پر سختی سے عملدرآمد کو یقینی بنائیں گے۔ یاد رکھیے! احتیاط نہ کرنے سے کورونا وائرس کے پھیلاؤ میں تیزی آ سکتی ہے۔