بدھ , 19 مئی 2021ء
(535) لوگوں نے پڑھا
لاہور کے علاقہ عبدالمالک میں ڈرگ ٹاسک فورس نے کارروائی کرکے جعلی اور غیر معیاری ادویات بنانے والی فیکٹری کو سیل کردیا۔ تفصیلات کے مطابق شیخوپورہ روڈ پر واقع رحمت فارما لائسنس ایکسپائر ہونے کے باوجود ادویات تیار کر کے مارکیٹ میں فروخت کر رہی تھی جس پر مشیر صحت پنجاب اور چئیرمین ٹاسک فورس حنیف خان کی قیادت میں ڈرگ ٹاسک فورس نے کارروائی کرکے فیکٹری کو سیل کیا اور اس میں موجود 20 لاکھ روپے کی مالیت کا اسٹاک اپنے قبضے میں لے لیا۔ اس موقع پر حنیف خان نے کہا کہ غیر معیاری ادویات بنانے اور انھیں بیچنے والوں کے خلاف کارروائیاں جاری ہیں جلد ہی پورے پنجاب میں جعلی ادویات بنانے والوں کے خلاف کریک ڈاؤن شروع کردیا جائے گا۔
