بدھ , 28 اپریل 2021ء
(227) لوگوں نے پڑھا
لاہور کے علاقے شاہدرہ کے قریب ٹریفک حادثے میں 2 خواتین جانبحق جبکہ 5 افراد زخمی ہوگئے۔ تفصیلات کے مطابق تیز رفتار ٹرک نے رکشے کو ٹکر ماری جس کے نتیجے میں رکشے میں سوار 2 خواتین موقع پر ہی دم توڑ گئیں جبکہ رکشہ بھی مکمل طور پر تباہ ہوگیا۔ اطلاع ملنے پر ریسکیو عملے نے موقع پر پہنچ کر ٹرک کی زد میں آنے والے رکشہ ڈرائیور اور دیگر 4 افراد کو ابتدائی طبی امداد دینے کے بعد ہسپتال اور لاشوں کو مردہ خانے منتقل کردیا۔ شہریوں کی جانب سے پولیس کو حادثے کی اطلاع دینے پر پولیس نے موقع پر پہنچ کر تحقیقات کا آغاز کردیا۔ پولیس کا کہنا ہے کہ ٹرک ڈرائیور جائے حادثہ سے فرار ہوگیا ہے جسے جلد ہی گرفتار کرلیا جائے گا۔
