منگل , 03 نومبر 2020ء
(401) لوگوں نے پڑھا
لاہور میں پنجاب ہائیر ایجوکیشن کمیشن کے زیر اہتمام پنجاب کی سرکاری جامعات کے وائس چانسلرز کے لیے 5 روزہ تربیتی پروگرام کا اہتمام کیا گیا،مقامی ہوٹل میں ہونے والی افتتاحی تقریب میں مہمان خصوصی کی حیثیت سے چئیرمین پنجاب ایچ ای سی پروفیسر ڈاکٹر فضل احمد خالد، وائس چانسلر یونیورسٹی آف ایجوکیشن ڈاکٹر طلعت نصیر پاشا،کمیشن ممبر و سابق وزیر تعلیم میاں عمران مسعود،ڈاکٹر خلیق الراحمان سمیت کمیشن ممبران، وائس چانسلرز،کمیشن افسران کی بڑی تعداد نے شرکت کی،افتتاعی تقریب سے خطاب کرتے ہوئے چئیرمین پنجاب ایچ ای سی ڈاکٹر فضل احمد خالد نے کہا کہ کورونا وائرس کی وجہ سے جامعات میں تدریسی وانتظامی مسائل کی نوعیت تبدیل ہوئی ہے ، جامعات کو نئے قسم کے چیلنجز کا سامنا ہے۔ متاثر کن قیادت ، موثر انتظامی صلاحیتوں سے ہی یونیورسٹیاں اعلی تعلیم میں ابھرتے ہوئے چیلنجوں کا مقابلہ کرسکتی ہیں۔ ڈاکٹر فضل نے مزید کہا کہ بہترین گورنس کے لیے جامعات میں وائس چانسلرز کا کلیدی کردار ہے۔
