جمعہ , 08 جنوری 2021ء
(608) لوگوں نے پڑھا
لاہور میں سردی کی شدت میں اضافہ کے ساتھ ساتھ ایک بار پھر دھند نے اپنا راج قائم کر لیا۔ جسکی وجہ سے حدِنگاہ انتہائی کم ہو گئی۔ ایم-3 لاہور سے لیکر درخانہ تک، ایم-4 موٹروے کو پنڈی بھٹیاں سے شام کوٹ تک کی موٹروے کو آمد ورفت کے لئے بند کر دیا گیا۔ ترجمان موٹروے نے ہدایت کی کہ شہری غیر ضروری سفر سے گریز کریں اور ایمرجنسی سفر کی صورت میں فوگ لائٹ کا استعمال یقینی بنائیں۔ یاد رہے کہ حد نگاہ 50 میٹر سے کم ہونے پر سفر کرنا خطرناک ثابت ہو سکتا ہے اور حادثوں کا سبب بن سکتا ہے جسکے باعث موٹروے کو بند کر دیا جاتا ہے اور 300 میٹر سے حد نگاہ بڑھ جانے پر ہی موٹروے کو کھولا جاتا ہے۔
