پیر , 26 اپریل 2021ء
(531) لوگوں نے پڑھا
لاہور میں رائیونڈ کے علاقہ محلہ سلامت پورہ میں پولیس مونوگرام کی ٹوپی پہنے ہوئے مبینہ چور عوام کے ہتھے چڑھ گیا۔ تفصیلات کے مطابق ملزم ایک گھر میں چوری کی نیت سے داخل ہوا مگر گھر میں موجود افراد کے دیکھ لینے پر اس نے فرار ہونے کی کوشش کی تو اہلِ محلہ نے پیچھا کرکے اسے پکڑ لیا اور خوب مارا۔ بعدازاں پولیس کو اطلاع دی گئی جس پر پولیس نے موقع پر پہنچ کر چور کو لے جاکر حوالات میں بند کردیا۔ ابتدائی تفتیش کے بعد پولیس کا کہنا تھا کہ ملزم کا نام امجد ہے اور وہ خانیوال کا رہائشی ہے، اسے مزید تفتیش کے لئے آپریشن ونگ کے حوالے کردیا گیا ہے۔
