پیر , 05 اپریل 2021ء
(219) لوگوں نے پڑھا
لاہور کے علاقہ اسلام پورہ میں چوری کی واردات ہوگئی۔ تفصیلات کے مطابق آؤٹ فال روڈ پر واقع زیورات کی دُوکان کے تالے توڑ کر چوراندر گھس گئے اور وہاں موجود لاکروں کو کھول کر 1 لاکھ روپے نقد رقم اور 4 لاکھ روپے مالیت کے طلائی زیورات چُرا کر فرار ہوگئے۔ چوکیدار کی جانب سے اطلاع ملنے پر پولیس نے موقع پر پہنچ کر کارروائی کا آغاز کردیا۔ جبکہ دوسری جانب علاقہ کے تاجر سراپا احتجاج بن گئے اور انہوں نے الزام لگایا کہ پولیس ان سے تعاون نہیں کر رہی، علاقے میں وارداتیں روز بروز بڑھ رہی ہیں، چوری اور ڈکیتی کی وارداتوں میں اضافے سے شہری عدم تحفظ کا شکار ہو کر رہ گئے ہیں۔ انہوں نے اعلیٰ حکام سے اپیل کی ہے کہ ان چوروں کو جلد از جلد گرفتار کیا جائے تاکہ علاقہ کی عوام سکون کا سانس لے سکے۔
