جمعرات , 08 اپریل 2021ء
(587) لوگوں نے پڑھا
لاہور کے علاقہ ڈیفنس میں نوسربازی کی واردات ہوگئی۔ تفصیلات کے مطابق ڈیفنس فیز 4 کے بلاک ایف ایف میں موجود زارا گل بیوٹی پارلر میں تیار ہونےکے لئے آنے والی خاتون سے دورانِ بیوٹیشن زیورات چرائے گئے۔ متاثرہ خاتون کے شوہر کی جانب سے اطلاع چوری کی واردات کی اطلاع دینے پر پولیس نے مقدمہ درج کرلیا۔ متاثرہ شہری محمد احمد نے الزام لگایا کہ انکی بیوی کو تیار کرنے کے دوران 1.5 تولہ زیور چوری ہوا اور جب زیورات کے بارے میں وہاں موجود عملے سے پوچھا تو بیوٹی پارلر کی انتظامیہ نے لڑائی جھگڑا شروع کردیا اور زبردستی بیوی کو بیوٹی پارلر سے باہر نکال دیا، پولیس نے مقدمہ درج کرلیا مگر کسی بھی قسم کی کارروائی کرنے سے گریزاں ہے۔ انہوں نے پولیس کے افسرانِ اعلٰی سے اپیل کی ہے کہ بیوٹی پارلر کے خلاف کارروائی کرتے ہوئے چور کو گرفتار کیا جائے اور چوری شدہ زیورات واپس دلوائے جائیں۔
