منگل , 08 ستمبر 2020ء
(155) لوگوں نے پڑھا
وزیراعلیٰ پنجاب سردار عثمان بزدار سے آل پاکستان پرائیویٹ سیکٹرز یونیورسٹیز کے چیئرمین چودھری عبدالرحمان نے ملاقات کی۔ پنجاب اسمبلی کے چیمبر میں ہونے والی ملاقات میں اعلیٰ تعلیم کے فروغ کے حوالے سے تبادلہ خیال کیا گیا۔ وزیر اعلی عثمان بزدارنے اعلیٰ تعلیم کے فروغ کے لئے نجی شعبے کے کردار کی تعریف کی۔ وزیر اعلی عثمان بزادر کا کہنا تھا کہ پنجاب حکومت ایس او پیز کے تحت 15 ستمبر سے تعلیمی ادارے کھول رہی ہے۔سرکاری و نجی تعلیمی اداروں میں ایس او پیز پر عملدرآمد کے لئے ہدایات جاری کر دی گئی ہیں۔ ہائر ایجوکیشن اصلاحاتی کمیٹی کااجلاس جلد بلایا جائے گا۔ میں خود ریفارمز کمیٹی کے امور کاجائزہ لوں گا انہوں نے کہا کہ محکمہ ہائر ایجوکیشن میں خالی آسامیوں کو ضرورت کے مطابق پر کیاجائے گا- محکمہ ہائر ایجوکیشن میں زیر التواء کیسوں کو جلد نمٹایا جائے گا۔
