بدھ , 20 جنوری 2021ء
(170) لوگوں نے پڑھا
لاہور کے علاقہ ماڈل ٹاؤن میں نجی کمپنی کے سی ای او کے گھر ڈکیتی کی واردات ہو گئی۔ تفصیلات کے مطابق ڈاکو دیواریں پھلانگ کر گھر میں داخل ہوئے اور اہلِ خانہ کو یرغمال بنانے کے بعد 71 لاکھ روپے مالیت کے زیورات اور نقدی رقم لے کر فرار ہو گئے۔ پولیس کے مطابق متاثرہ شخص ہارون کی جانب سے کارروائی کے لئے کوئی درخواست موصول نہیں ہوئی تاہم پولیس نے مقدمہ درج کرکے ابتدائی تفتیش کے بعد بتایا کہ ملزمان نے ہارون اور اسکے خاندان کو یرغمال بنایا اور تجوری کھلوا کر اس میں سے پاکستانی 35 لاکھ روپے، 13 لاکھ روپے مالیت کی غیر ملکی کرنسی، 35 تولے زیورات، 6 ہیرے کی انگوٹھیاں جن کی مالیت 60 لاکھ روپے اور 23 لاکھ روپے مالیت کی دو مہنگی گھڑیاں لوٹ کر فرار ہوئے۔ پولیس کا کہنا ہے کہ پولیس اور فرانزک ٹیم نے شواہد اکٹھے کرنے شروع کر دئیے جلد ہی ملزمان کو گرفتار کر لیا جائے گا۔
