جمعہ , 27 نومبر 2020ء
(166) لوگوں نے پڑھا
لاہور میں ڈی آئی جی آپریشنز اشفاق خان نے کرپشن، اختیارات سے تجاوز کرنے، قبضہ مافیا کی پشت پناہی، منشیات فروشوں سے تعلقات پر انسپکٹر عہدے کے 8 ایس ایچ اوز اور سب انسپکٹر عہدے کے 8 ایڈیشنل ایس ایچ او کو لائن حاضر کر دیا۔ بلیک لسٹ ہونے والے ایس ایچ اوز کو آپریشنز، انویسٹی گیشن اور سکیورٹی ونگ میں تعیناتی نہیں دی جائے گی۔ ایس ایچ او تھانہ بھاٹی گیٹ انسپکٹر منور احمد کو لائن حاضر کر دیا گیا۔ ایس ایچ او تھانہ سندر انسپکٹر شرجیل ضیاء، ایس ایچ او چوہنگ انسپکٹر محمد یوسف بٹ، ایس ایچ او تھانہ ہنجر وال انسپکٹر محمد اکمل کو لائن حاضر کر دیا گیا۔ ایس ایچ او باغبانپورہ انسپکٹر زاہد حسین شاہ، ایس ایچ او مناواں انسپکٹر خالد محمود، ایس ایچ او باٹا پور انسپکٹر فاروق اصغر، ایس ایچ او ساندہ انسپکٹر علی اجود کو لائن حاضر کر دیا گیا۔ ایڈیشنل ایس ایچ او تھانہ سبزہ زار سب انسپکٹر عمران قمر، ایڈیشنل ایس ایچ او قلعہ گجر سنگھ سب انسپکٹر اشفاق احمد، ایڈیشنل ایس ایچ او مزنگ سب انسپکٹر دیس محمد لائن حاضر، ایڈیشنل ایس ایچ او سرور روڈ سب انسپکٹر ندیم خالد، ایڈیشنل ایس ایچ او ہربنس پورہ سب انسپکٹر محمد ندیم، ایڈیشنل ایس ایچ او اچھرہ سب انسپکٹر عامر سہیل کو بھی لائن حاضر کر دیا گیا۔
