جمعرات , 21 جنوری 2021ء
(248) لوگوں نے پڑھا
لاہور کے علاقہ کوٹ لکھپت میں قتل ہونے والی خاتون کے قاتل کو پولیس نے گرفتار کرلیا۔ تفصیلات کے مطابق 35 سالہ مہوش کی لاش اس کے گھر سے برآمد ہونے پر پولیس نے مقدمہ درج کر کے قاتل کی تلاش شروع کردی تھی۔ تحقیقات کے بعد پولیس نے بتایا کہ قاتل مہوش کا پڑوسی شاہ زیب ہے اور اسکو گرفتار کرلیا گیا ہے۔ ملزم نے دورانِ تفتیش اعتراف جرم کرتے ہوئےکہا کہ وہ نشے کی لت پوری کرنے کے لئے مقتولہ کےگھر چوری کی نیت سے گیا اور مقتولہ کی جانب سے مزاحمت پر اسکے سر پر ڈنڈا مارا اور بعد میں اس کا گلا دبا کر قتل کردیا اور لاش چھپانے کی غرض سے الماری میں لٹکا دی۔ پولیس کا کہنا ہے کہ ملزم کو سخت سے سخت سزا دلوائی جائے گی۔
