اتوار , 14 فروری 2021ء
(342) لوگوں نے پڑھا
لاہور میں کوٹ لکھپت کے علاقہ لیاقت آباد کے محلہ ,,ایک مینار والی مسجد،، میں ایک افسوسناک واقعہ پیش آیا جس میں بیٹے نے اپنی ماں کو قتل کردیا۔ تفصیلات کے مطابق بیٹے نے ماں سے آئس کے نشے کی لت کو پورا کرنے کے لئے رقم طلب کی، انکار کرنے پر سنگدل بیٹے نے باپ اور بھائیوں کی موجودگی میں فائرنگ کرکے اسے قتل کردیا اور پستول لہراتا ہوا موقع سے فرار ہوگیا۔ مقتول خاتون کے شوہر ذوالفقار نے پولیس کو بتایا کہ احمد آئس کے نشے کی لت میں مبتلا تھا اور اکثر گھر میں آکر رقم کا مطالبہ کرتا اور پیسے نہ دینے پر لڑائی جھگڑا کرتا تھا۔ پولیس نے قتل کی واردات کا مقدمہ درج کرکے ملزم احمد ذوالفقار کی تلاش شروع کردی اور لاش کو پوسٹ مارٹم کے بعد ورثہ کے حوالے کردیا۔
