اتوار , 24 جنوری 2021ء
(280) لوگوں نے پڑھا
لاہور کے علاقہ نواب ٹاؤن میں موجود لاہور میڈیکل ٹیچنگ یونیورسٹی ہسپتال میں نامعلوم افرد لڑکی لاش رکھ کر فرار ہوگئے۔ واقع کی اطلاع ملنے پر پولیس نے موقع پر پہنچ کر لاش کو تحویل میں لے لیا اور نامعلوم ملزمان کے خلاف مقدمہ درج کرکے تحقیقات شروع کردی۔ پولیس نے بتایا کہ لڑکی کی لاش جسکی شناخت نہیں ہو سکی اس کو 2 افراد ایمرجنسی میں چھوڑ کر فرار ہوئے ہیں۔ لاش کو پوسٹ مارٹم کے لئے بھجوادیا گیا ہے زیادتی سمیت دیگر پہلوؤں پر تحقیقات کی جارہی ہے رپورٹ آنے کے بعد مزید حقائق سامنے آئیں گے۔ یونیورسٹی ہسپتال کے عملہ اور طلباء نے بتایا کہ نامعلوم دو لڑکے لاش کو ایمرجنسی میں چھوڑ کر فرار ہو ئے جس پر فوراََ پولیس کو اطلاع دی گئی۔ یاد رہے کہ چند روز قبل بھی لاہور کے ایک نجی ہاسٹل میں قیام پذیر طالبہ نے نامعلوم وجوہات کی بنا پر خود کشی کرلی تھی، یہ دوسرا واقعہ رونما ہوچکا ہے جس کی تفتیش کی جارہی ہے۔
