کورونا وائرس مزید 6 جانیں لے گیا

لاہور شہر  میں کورونا وائرس کے حملوں میں تیزی آگئی ے، موذی وبا مزید 6 جانیں لے گیا۔24 گھنٹوں کے دوران لاہور سے 154 کیسز رپورٹ، کورونا کے مریضوں کی مجموعی تعداد 53 ہزار 319 ہو گئی۔ کورونا وباء مزید پھیلنے لگی، پنجاب بھر میں 369 نئے کیس سامنے آ گئے۔ جس کے بعد صوبے میں کورونا کے مصدقہ مریضوں کی مجموعی تعداد ایک لاکھ 6 ہزار 577 ہو گئی ہے۔ ترجمان پرائمری اینڈ سیکنڈری ہیلتھ کیئر کے مطابق ملتان 54، بہاولپور 42، راولپنڈی 24، ڈیرہ غازی خان 14، سرگودھا اور بھکر بارہ، بارہ، گجرات 7، فیصل آباد 6، ٹوبہ ٹیک سنگھ اور وہاڑی پانچ پانچ، میانوالی میں 4 مریضوں میں کورونا کی تصدیق ہوئی ہے۔ اٹک، لیہ، پاکپتن، جھنگ، رحیم یارخان اور ساہیوال میں تین تین، مظفرگڑھ اور لودھراں میں دو، دو جبکہ شیخوپورہ، ننکانہ صاحب، گوجرانوالہ، چکوال، خانیوال، خوشاب اور چنیوٹ میں ایک ایک کیس سامنے آیا ہے۔ ترجمان محکمہ صحت کے مطابق کورونا سے مزید 8 ہلاکتیں ہوئی ہیں جس کے بعد اموات کی مجموعی تعداد 2 ہزار 407 ہو گئی ہے