اتوار , 17 جنوری 2021ء
(219) لوگوں نے پڑھا
لاہور کے علاقہ ساندہ میں پولیس نے کارروائی کر کے غریب محنت کش کو بازیاب کروالیا۔ تفصیلات کے مطابق مغوی ذولفقار ریڑھی لگا کر مزدوری کے کرنے کی غرض سے چوبرجی آیا تھا جہاں ملزم اور اس کے ساتھی زبردستی اسے اپنے ساتھ لے گئے اور راج گڑھ کی 1 دکان میں لے جا کر زنجیروں سے باندھ دیا۔ اطلاع ملنے پر ایس پی اقبال ٹاؤن نے مغوی کی بازیابی کے لئے ٹیم تشکیل دی جس کے بعد بازیابی عمل میں لائی گئی۔ پولیس کے مطابق انسانیت کی تذلیل کسی صورت برداشت نہیں کی جائے گی مقدمہ درج کر کےمرکزی ملزم یٰسین کو گرفتار کر لیا گیا ہے جبکہ باقی ملزمان کی تلاش جاری ہے انکو بھی جلد از جلد گرفتار کر لیا جائے گا۔
