جمعہ , 13 نومبر 2020ء
(254) لوگوں نے پڑھا
آل پاکستان انجمن تاجران کی ملک بھر کی قیادت نے کورونا لاک ڈاؤن کی سفارش کو مسترد کر دیا۔ تاجروں نے کہا کہ لاکھوں کے سیاسی اجتماعات میں کوئی ماسک نہیں پہن رہا۔ تاجروں سے کس بات کا انتقام لیا جا رہا ہے۔ آل پاکستان انجمن تاجران سے جڑے ملک بھر کے تاجروں کا اکٹھ، شیرٹن ہوٹل میں پریس کانفرنس کی۔ مرکزی صدر محمد اجمل بلوچ نے کہا کہ تاجروں کے ساتھ مذاق بند کیا جائے، لاک ڈاؤن کی این سی اوسی کی سفارشات کو مسترد کرتے ہیں۔ مرکزی جنرل سیکرٹری آل پاکستان انجمن تاجران نعیم میر نے کہا کہ کورونا کو ڈھال بنایاجا رہا ہے۔ اس سے پہلے بھی لاک ڈاؤن سے مہنگائی بڑھی سپلائی چین متاثر ہوئی۔ اس موقع پر تنظیم کے خیبر پختوانخواکے صدر ملک مہر الہیٰ، صدر سندھ عبدالقیوم قریشی اور صدر پنجاب شاہد غفور پراچہ نے حکومت سے تاجروں اور صنعتکاروں کو ریلیف دینے کا مطالبہ کیا۔