جمعہ , 20 نومبر 2020ء
(381) لوگوں نے پڑھا
کتابوں کی چھپائی اور فروخت کے مختلف مراحل سے متعلقہ افراد نے وفاقی حکومت کی یکساں نصاب پالیسی کے خلاف اردو بازار میں احتجاجی مظاہرہ کیا۔ مظاہرین میں ٹیکسٹ بک پبلشرز ایسوسی ایشن پاکستان ، انجمن تاجران اردو بازار لاہور، نیو آ ل پرنٹرز ویلفئیر ایسوسی ایشن، نیو آ ل بک بائنڈرز ایسوسی ایشن و دیگر تنظیموں نے شرکت کی۔ پرنٹنگ پبلشنگ سے وابستہ ورکرز نے اپنی دکانیں بند کرکے مظاہرہ کیا اور ریلی نکالی۔ اس موقع پر صدر ٹی پی اے فواز نیاز نے کہا کہ اس پالیسی سے 20 لاکھ افراد بے روزگار ہو جائیں گے ۔ حکومت اپنا فیصلہ فی ا لفور واپس لے۔ صدر انجمن تاجران اردو بازار خالد پرویز نے کہا کہ حکومت کی طرف سے یکساں نصاب کی پالیسی نہیں تعلیمی اجارہ داری ہے۔ کنوینئر ابوذر غفاری ،ر عثمان شاہ، مبین حسین اور باؤ رشید نے بھی خطاب کیا۔ جبکہ تاجر دوست گروپ اور میڈیسن مارکیٹ ایسوسی ایشن نے بھی پبلشرز کے ساتھ اظہار یک جہتی کیا۔
