پیر , 11 جنوری 2021ء
(299) لوگوں نے پڑھا
لاہور میں کار اور بائیک پارکنگ کمپنی میں ایک کروڑ روپے کی رقم کی ہیر پھیر کا انکشاف ہو گیا۔ تفصیلات کے مطابق زون 2 میں واقع 7 پارکنگ اڈوں کے سپروائزروں نے ٹوکن وصولی کی مد میں کمپنی کو جعلی بنک رسیدیں جمع کروائیں جن پر بنک کی جعلی مہریں بھی لگائی گئی ہیں۔ ایم ڈی پارکنگ کمپنی کلب عباس نے انکوائری کر کے پانچ سپروائزروں کو باقاعدہ طور پر برطرف کر کے تھانہ لیاقت آباد میں مقدمہ درج کروا دیا۔ انسپکٹر سجاد حسین کی مدعیت میں دفعہ 471، 468، 408، 420 اور دیگر دفعات کے تحت ایف آئی آر درج کروائی گئی جس میں سپروائزر اظہر اقبال، سرور اقبال، عرفان احمد، فضل دین اور سبط حسن کے نام شامل ہیں۔ ان سات پارکنگ اڈوں میں مال روڈ، ہال روڈ، نقی مارکیٹ، نیلا گنبد، سٹیٹ بنک، پینوراما اور دھنی رام روڈ کے اڈےشامل ہیں۔ ایم ڈی پارکنگ اسٹینڈ کلبِ عباس کے مطابق دوسرے پارکنگ اسٹینڈ کی تحقیقات جاری ہیں۔
