بدھ , 28 اپریل 2021ء
(293) لوگوں نے پڑھا
تصویر میں نظر آنے والے اسٹال ریلوے پھاٹک پر لگے ہائی وولٹیج ٹرانسفارمر کے نیچے لگائے گئے ہیں جوکہ لاہور کے علاقہ رائیونڈ میں بھٹی چوک گول چکر کے واقع ہے۔ یہ ایک خطرناک عمل ہے اور کسی بھی وقت کسی بڑھ حادثے کا باعث بن سکتا ہے۔ وہاں موجود شہری نے بتایا کہ یہاں شام 6 بجے کے بعد بھی کاروباری سرگرمیاں جاری رہتی ہیں جبکہ حکومت کی جانب سے 6 بجے تمام کاروباری سرگرمیاں بند کرنے کو کہا گیا ہے۔ شہری نے کہا کہ ریلوے انتظامیہ، واپڈا اور ضلعی انتظامیہ خاموش تماشائی بنی ہوئی ہے جس کے سبب کوئی خطرناک حادثہ ہوسکتا ہے جس پر اس نے اعلیٰ حکام سے اپیل کی ہے کہ ان غیر قانونی اسٹال اور دوکانیں لگانے والے افراد کو یہاں سے ہٹایا جائے اور ان کے خلاف کارروائی کی جائے تاکہ کسی بھی ممکنہ حادثے سے بچا جاسکے۔
