عملہ اور افسران انسداد ڈینگی مہم پر خصوصی توجہ دیں، ڈپٹی کمشنرلاہور

ڈپٹی کمشنر لاہور دانش افضال کی زیر صدارت انسداد ڈینگی مہم کے حوالے سے اہم اجلاس نادر ہال ڈی سی آفس لاہور میں منعقد ہوا۔ اجلاس میں ایڈیشنل ڈپٹی کمشنر جنرل صفدر حسین ورک سمیت دیگر محکموں کے افسران نے شرکت کی۔  ڈپٹی کمشنرلاہور دانش افضال کو بریفنگ دی گئی۔ ڈپٹی کمشنر لاہور دانش افضال نے شہر میں جاری ڈینگی سرگرمیوں اور سروئلنس کا تفصیلی جائزہ لیا۔ ڈپٹی کمشنر لاہور دانش افضال نے مون سون سیزن کے دوران ڈینگی مچھر کی افزائش روکنے کے لئے ڈینگی سرگرمیوں کو مزید تیز کرنے کی ہدایات جاری کیں۔ ایسی تمام جگہوں کی مسلسل نگرانی کریں جہاں بارشی پانی کے کھڑے ہونے کی اطلاعات پائی جائیں۔ ڈینگی مہم میں کسی قسم کی کوتاہی یا غفلت برداشت نہیں کی جائے گی۔  ڈپٹی کمشنر لاہور دانش افضال نے تمام متعلقہ محکموں کو کی جانے والی کارروائیوں کی رپورٹ مرتب کر کے ڈی سی آفس بھجوانے کی ہدایات جاری کیں۔ آؤٹ ڈور اور ان ڈور ڈینگی سروئلنس پر خصوصی توجہ دیں۔ ڈینگی ورکرز کی حاضری اور کارکردگی کو یقینی بنائیں۔ غیر حاضری کی صورت میں محکمانہ کارروائیاں عمل میں لائیں۔ ضلعی انتظامیہ لاہور ڈینگی لاروا کے خاتمے کے لئے تمام تر ضروری اقدامات اٹھا رہی ہے.