بدھ , 14 اکتوبر 2020ء
(127) لوگوں نے پڑھا
سرکاری افسران اور ملازمین کی جانب سے 120 کروڑ روپے کے چیک کے بعد چیف منسٹر فنڈ برائے کورونا کنٹرول میں مزید رقم کا چیک دیا گیا۔ وزیراعلیٰ پنجاب سردار عثمان بزدار کو چیف سیکرٹری پنجاب جواد رفیق ملک نے چیف منسٹر فنڈ برائے کورونا کنٹرول کیلئے چیک پیش کیا۔ سیکرٹری خزانہ پنجاب بھی اس موقع پر موجود تھے۔ وزیر اعلی پنجاب عثمان بزدار کا کہنا ہے کہ کورونا متاثرین کی مدد کیلئے پنجاب کے سرکاری ملازمین کا جذبہ قابل ستائش ہے۔ سرکاری ملازمین نے متاثرین کی مدد کیلئے ایثار کی اعلی مثال قائم کی ہے۔ مشکل کی گھڑی میں دکھی انسانیت کیلئے جذبہ خیر سے حوصلے بڑھتے ہیں۔ عوام سے پھر اپیل ہے کہ وہ پرہجوم مقامات پرجانے سے گریز کریں اور حکومتی ہدایات پر من وعن عمل کریں۔
