پیر , 11 جنوری 2021ء
(253) لوگوں نے پڑھا
ہفتہ کی رات لاہور میں اچانک بجلی کا بریک ڈاؤن ہونے کی وجہ سے پورا شہر اندھیرے میں ڈوب گیا تھا۔ بریک ڈاؤن ختم ہونے کے باوجود بجلی کا نظام اپنے معمول پر نہ آسکا جس کی وجہ سے شہری پریشان ہیں۔ لیسکو کو 2200 میگاواٹ بجلی کی ضرورت ہے جبکہ این پی سی سی کی جانب سے لیسکو کو 1200 میگاواٹ بجلی فراہم کی جارہی ہے جسکی وجہ سے مختلف علاقوں میں بجلی کی جبری لوڈ شیڈنگ کا سلسلہ جاری ہے۔ گلشن راوی، سمن آباد، راج گڑھ، مغل پورہ، شالا مار، مزنگ، عابد مارکیٹ، شاد باغ، بادامی باغ، شاہدرہ، کریم پارک، بیگم کوٹ، کوٹ محمدی، بلال گنج، شیرانوالہ، بھاٹی گیٹ، شاہ عالم مارکیٹ، گرین ٹاون، بھٹہ چوک، علی پارک، آر اے بازار، گلستان پارک، نشاط کالونی میں بجلی مسلسل بند ہے۔ جبکہ قلعہ گجر سنگھ، گڑھی شاہو، دھرم پورہ، صدر، گلبرگ، علامہ اقبال ٹاون میں بھی بجلی وقفے وقفے سے بند کی جا رہی ہے۔
