پیر , 01 مارچ 2021ء
(447) لوگوں نے پڑھا
لاہور میں پتنگ بازی کا خونی کھیل نہ رُک سکا جس کے نتیجے میں ایک نوجوان لڑکا شدید زخمی ہوگیا۔ تفصیلات کے مطابق شاہدرہ کا رہائشی ذیشان موٹرسائیکل پر سفر کرکے گھر جا رہا تھا کہ اچانک قاتل ڈور کی زد میں آگیا جس کے نتیجے میں اس کا چہرہ شدید زخمی ہوگیا۔ اطلاع ملنے پر ریسکیو عملہ نے طبی امداد کے لئے اُسے ہسپتال منتقل کردیا۔ ہسپتال انتظامیہ کی جانب سے لڑکے کی حالت خطرے سے باہر بتائی گئی تاہم سی سی پی او غلام محمد ڈوگر نے واقعہ کا نوٹس لیتے ہوئے ڈی آئی جی آپریشن کو علاقہ کے ایس ایچ او کے خلاف کارروائی کا حکم دے دیا۔ ترجمان لاہور پولیس کا کہنا تھا کہ ڈور پھرنے سے زخمی ہونے والے نوجوان کو طبی امداد دینے کے بعد ہسپتال سے چھٹی دے دی گئی ہے۔
