پیر , 18 جنوری 2021ء
(256) لوگوں نے پڑھا
لاہور کے علاقہ گجر پورہ میں ناجائز اسلحہ رکھنے والوں کے خلاف پولیس نے کارروائی کرکے 4 ملزمان کو گرفتار کرلیا۔ تفصیلات کے مطابق سی پی او غلام محمود ڈوگر اور ڈی آئی جی آپریشنز اشفاق خان کی ہدایت پر پولیس نے ناجائز اسلحہ رکھنے والوں کے خلاف کریک ڈاؤن شروع کردیا۔ گجرپورہ میں کارروائی کرکے علاقہ میں دہشت کی علامت سمجھے جانے والے 4 ملزمان کو گرفتار کرلیا گیا۔ دورانِ تلاشی ملزمان کے قبضہ سے نا جائز اسلحہ برآمد ہوا۔ جس میں 4 رائفلیں اور 3 پستولیں شامل ہیں۔ پولیس نے مقدمہ درج کرکے ملزمان کو حوالات میں بند کردیا۔
