پیر , 11 جنوری 2021ء
(178) لوگوں نے پڑھا
لاہور کے علاقہ شمالی چھاؤنی کی خیبر قالونی میں معمولی تلخ کلامی پر لڑائی کے دوران مکے لگنے سے ایک شخص جانبحق ہوگیا۔ تفصیلات کے مطابق فہیم اور 45 سالہ پراپرٹی ڈیلر معراج خالد کے درمیان معمولی سی بات پر تلخ کلامی ہوگئی جو کہ بعد میں جھگڑے کا سبب بن گیا جس میں ملزم فہیم کی جانب سے سینے پر مکے لگنے سے معراج موقع پر ہی دم توڑ گیا۔ اطلاع ملنے پر پولیس موقع پر پہنچ گئی اور مقدمہ درج کر کے لاش کو اپنی تحویل میں لیکر ہسپتال منتقل کر دیا اور بعدازاں ملزم کو بھی گرفتار کرلیا۔ مقتول کے اہلِ خانہ نے لاش کو تھانہ کے باہر رکھ کر احتجاج کیا جس پر پولیس نے ان کو انصاف کی فراہمی کی یقین دہانی کروائی۔
