جمعرات , 07 جنوری 2021ء
(280) لوگوں نے پڑھا
لاہور میں اورنج لائن ٹرین کو صرف ایک ماہ کا 9 کروڑ 72 لاکھ کا بل جاری کر دیا گیا۔ تفصیلات کے مطابق بل لاہور الیکٹرک سپلائی کمپنی کی جانب سے بجلی کے 35 لاکھ یونٹس استعمال کرنے پر جاری کیا گیا۔ اورنج لائن ٹرین کو 2 جی آئی ایس گرڈ سٹیشن بنا کر بجلی کی سپلائی دی جا رہی ہے۔ کمپنی کی جانب سے ہر ماہ کی پانچ تاریخ کو ان سٹیشنوں کی ریڈنگ نوٹ کی جاتی ہے جس کے بعد بل ادا ہوتا ہے۔ گزشتہ ماہ اقبال ٹاؤن ڈویژن میں 22 جبکہ باغبانپورہ ڈویژن میں 13 لاکھ یونٹس استعمال کئے گئے۔ لیسکو نے اورنج لائن ٹرین انتظامیہ کے لئے بلوں کی ادائیگی کی آخری تاریخ اکیس جنوری مقرر کر دی ہے۔
خیال رہے کہ اورنج لائن ٹرین انتظامیہ نے گزشتہ ماہ بروقت بلوں کی ادائیگی کر دی تھی۔