پنجاب میں تحصیل سطح پر نئے سٹیڈیم اورگراؤنڈ بنائے جائیں گے، وزیر اعلی عثمان بزدار

وزیر اعلی ہاوٗس لاہور میں وزیراعلیٰ پنجاب سردار عثمان بزدار نے صوبائی وزیر کھیل وامورنوجوانان رائے تیمور خان بھٹی  سے ملاقات کی۔  ملاقات میں رائے تیمور خان بھٹی نے وزیراعلیٰ عثمان بزدار کودو سالہ محکمانہ کارکردگی کی رپورٹ پیش کی۔ صوبائی وزیر نے وزیراعلیٰ عثمان بزدار کو سپورٹس بورڈ پنجاب کی جانب سے شائع کردہ سپورٹس نیوز لیٹر بھی پیش کیا۔ وزیراعلیٰ عثمان بزدارنے محکمہ سپورٹس و یوتھ افیئرزکی کارکردگی کو سراہا اور سپورٹس نیوز لیٹر کے اجراء کی بھی تعریف کی۔ وزیراعلیٰ عثمان بزدارنے کھیلوں کی سرگرمیوں کو فروغ دینے کیلئے مزید محنت اورجانفشانی سے کام کرنے کی ہدایت کی۔ ان کا کہنا تھا کہ پنجاب میں تحصیل اورنچلی سطح پر نئے سٹیڈیم اورگراؤنڈ قائم کیے جائیں گے۔ پنجاب گیمز کی بحالی پاکستان تحریک انصاف کی حکومت کا نمایاں کارنامہ ہے۔ پنجاب میں کھیلوں کے فروغ کیلئے سپورٹس سکول بنائے جائیں گے۔ ڈویژنل ہیڈ کوارٹرز میں سپورٹس کمپلیکس بنائیں گے۔ خواتین کے لئے ڈویژنل ہیڈ کوارٹرز پر مخصوص جمنیزیم بنائے جائیں گے۔