منگل , 01 جون 2021ء
(229) لوگوں نے پڑھا
نشتر کالونی میں نوجوان کو پسند کی شادی کرنا مہنگا پڑگیا۔ تفصیلات کے مطابق ج نامی شخص کے گھر پر اس کے سالوں اور ساس نے حملہ کرکے اسے تشدد کا نشانہ بنایا اور ویڈیو بنا کر سوشل میڈیا پر اپلوڈ کردی۔ ویڈیو وائرل ہوتے ہی پولیس نے نوٹس لیتے ہوئے ملزمان کے خلاف کارروائی کرکے گرفتار کرلیا۔ ابتدائی تفتیش کے بعد پولیس کا کہنا ہے کہ متاثرہ شخص کراچی کا رہائشی ہے، اس نے ملزمان کی بہن کو گھر سے بھگا کر اس سے شادی کی اور لاہور آکر نشتر کالونی میں رہائش اختیار کرلی۔ لڑکی کے بھائیوں ن اور ا نے مفرور میاں بیوی کی رہائش گاہ کا پتہ کیا ماں اور اپنے دیگر دو ساتھیوں سمیت ان کے گھر پہنچ گئے جہاں انہوں نے بہنوئی کے ساتھ نارروا سلوک کرتے ہوئے اسے گنجا کرکے تشدد کا نشانہ بنایا۔ زیرحراست ملزمان کا کہنا تھا کہ ج نے ہماری اجازت کے بغیر ہماری بہن سے شادی کی جس پر ہم نے اسے تشدد کا نشانہ بنایا۔ پولیس کا کہنا ہے کہ ملزمان کے خلاف قانون کے دائرے میں رہتے ہوئے قانونی کارروائی عمل میں لائی جائے گی۔