اہم شاہراہیں بند ہونے سے گاڑیوں کی لمبی قطاریں، لوگوں کو مشکلات

لاہور کی اہم شاہراہوں کے بند ہونے سے گاڑیوں کی لمبی قطاریں لگی رہیں ،متبادل راستہ نہ ملنے کے باعث لوگوں کو مشکلات کا سامنا رہا۔لاہور سنٹر سے حفیظ سنٹر تک کا انٹرسیکشن عام ٹریفک کےلئے بند کردیا گیا۔ حفیظ سنٹر کے باہر سڑک بند ہونے سے لبرٹی چوک پر ٹریفک جام رہی،مین بلیوارڈ پر ٹریفک پولیس نے ڈائیورشن لگا رکھی ہیں، لبرٹی چوک میں گاڑیوں کی لمبی قطاریں لگ گئیں،لاہور سنٹر سے حفیظ سنٹر تک کا انٹرسیکشن عام ٹریفک کے لئے بند کردیا گیا۔ذرائع ابلاغ کے مطابق چین ون چوک سے جانب حفیظ سنٹر بھی عام ٹریفک کے لئے بند ہے،سی ٹی او سید حماد عابد کا کہناتھا کہ ٹریڈ سنٹر سے لبرٹی ٹریفک رواں دواں ہے، حالی روڈ پر ٹریفک معمول کے مطابق چل رہی ہے، صدیق سنٹر ٹریفک کو متبادل راستوں پر چلایا جارہا ہے۔سی ٹی او کامزید کہناتھا کہ یوٹرن پر لوڈ بڑھنے سے کلمہ چوک انڈر پاس کو بند کر دیا گیا،لوڈ کم ہونے پر کلمہ انڈرپاس کو دوبارہ کھول دیا جائےگا۔مین بلیوارڈ گلبرگ روڈ/ ٹریفک ایڈوائزری لاہور سنٹر سے حفیظ سنٹر تک کا انٹرسیکشن عام ٹریفک کے لئے بند ہے، لمحہ بہ لمحہ متبادل روٹس بارے آگاہی فراہم کی جا رہی ہے،شہری مزید راہنمائی اور مدد کےلئے ہیلپ لائن 15 پر کال کر سکتے ہیں۔