جمعرات , 29 اکتوبر 2020ء
(332) لوگوں نے پڑھا
لاہور میں مسلم لیگ ن کے رہنماؤں نے اورنج ٹرین پر سفر کر کے دوست ملک چین اور شہباز شریف کا شکریہ ادا کیا۔ عطاء تارڑ، عظمیٰ بخاری اور عمران نذیر نے منصوبہ میں تاخیر ہونے پر حکومت پر شدید تنقید بھی کی۔ مسلم لیگ ن کے رہنماؤں نے اورنج لائن میٹرو ٹرین پر سواری کی۔ عظمیٰ بخاری، عطاء تارڑ اور عمران نذیر نے انار کلی سٹیشن سے ٹکٹ خریدے۔ ٹرین میں سوار ہو کر مسافروں سے منصوبے کی افادیت بارے تاثرات بھی لیے۔ مسلم لیگ ن کے رہنماؤں عظمی بخاری اور عطااللہ تارڑ نے حکومت کو آڑے ہاتھوں لیا۔ کہتے ہیں حکومت کی ہٹ دھرمی اور سنگ دلی پر افسوس ہے کہ امیروں کےلئے سبسڈی لیکن غریبوں کے لیے کچھ نہیں۔ خواجہ عمران نذیر نے کہا کہ شہباز شریف کا عوام کے لئے بہترین منصوبہ مکمل ہوا۔ مسلم لیگ ن کے رہنماؤں نے میٹر و ٹرین چلنے پر دوست ملک چین اور میاں شہباز شریف کا شکریہ بھی ادا کیا۔
