منگل , 26 جنوری 2021ء
(213) لوگوں نے پڑھا
لاہور کے علاقہ شاہدرہ میں 12 سالہ طالبِ علم کو اغواء کرلیا گیا۔ اطلاع ملنے پر پولیس نے لواحقین کی مدعیت میں اغواء کا مقدمہ درج کرلیا۔ ایف آئی آر کے مطابق 12 سالہ ثاقب گھر سے مدرسہ پڑھنے گیا اور واپس نہ آیا جس پر اس کی تلاش کی گئی مگر جب وہ نہ ملا تو پولیس کو مقدمہ درج کروایا گیا۔ جبکہ لواحقین ک کہنا ہے کہ ثاقب کو 12 روز قبل اغواء کیا گیا پولیس کو اطلاع دی گئی تو پولیس نے 12 روز بعد مقدمہ درج کیا۔ اغواءکار کی کالیں بار بار آرہی ہیں ۔ مگر پولیس کوئی بھی کارروائی کرنے سے گریزاں ہے۔ مغوی کے اہلِ خانہ کا کہنا ہے کہ ہمارے بچے کو بازیاب کروایا جائے اور ہمیں انصاف فراہم کیا جائے۔
