منگل , 09 مارچ 2021ء
(250) لوگوں نے پڑھا
لاہور کے ڈی آئی جی آپریشن ساجد کیانی کی جانب سے 13 پولیس اسٹیشنوں کے تھانیداروں کی ہفتہ وار چھٹی بند کرنے کا حکم جاری کر دیا گیا۔ تفصیلات کے مطابق یہ فیصلہ ان علاقوں میں بڑھتی ہوئی وارداتوں کے باعث کیا گیا۔
جن تھانوں کے افسران کی ہفتہ وار چھٹی بند کی ہے ان میں تھانہ کاہنہ، تھانہ اقبال ٹاؤن، تھانہ فیکٹری ایریا، تھانہ گجرپورہ، تھانہ باغبانپورہ، تھانہ اسلام پورہ، تھانہ شاہدرہ، تھانہ چوہنگ، تھانہ فیصل ٹاؤن، تھانہ شادباغ، تھانہ غازی آباد اور تھانہ لیاقت آباد شامل ہے۔ اس حکم سے پہلے آئی جی پنجاب انعام غنی نے تمام پولیس افسران و اہلکاروں کوہفتہ وار چھٹی دینے کا حکم دیا تھا جس کو ان 13 تھانوں کے لئے فی الوقت ختم کردیا گیا ہے۔
