اتوار , 24 جنوری 2021ء
(525) لوگوں نے پڑھا
سردیوں میں دوستوں کے ساتھ باہر جاکر موسم سے لطف اندوز ہونا اور گرما گرم ناشتہ کرنا انسان کی تھکن کو دور کرتا ہے اور موڈ کو خوشگوار کرتا ہے۔ بات کی جائے لاہور کے علاقہ گوالمنڈی میں موجود فوڈ اسٹریٹ کی تو وہ اپنے لذیذ کھانوں کی وجہ سے بہت مشہور ہے۔ شہری چھٹی کے دن اپنے دوستوں اور خاندان کے ہمراہ فوڈ اسٹریٹ ناشتہ کرنے اور موسم سے لطف اندوز ہونے جاتے ہیں۔ شہریوں کا کہنا ہے یہ لاہور کی روایت ہے اور لاہور کے سری پائے مشہور بھی ہیں۔ اس لئے ہم یہاں گرما گرم سری پائے، مغز، حلوہ پوری اور نان چھولے کھانے آتے ہیں جس کی وجہ سے ٹھنڈے ٹھنڈے موسم میں اس تفریح کا مزہ دوبالا ہوجاتا ہے۔ نوجوانوں میں یہ تفریح زور پکڑتی جارہی ہے۔ کیا آپ نے کبھی ایسی کسی تفریح میں حصہ لیا ہے ہمیں ضرور بتائیں۔
