دودھ بیچنے والے ہوجائیں تیار، اب ہوگا دودھ کا دودھ اور پانی کا پانی دودھ بیچنے والوں نے اب ملاوٹ کی تو پکڑے جائیں گے

پنجاب فوڈ اتھارٹی کا بڑا اقدام، دودھ ٹیسٹنگ کی مفت سہولت فراہم کرنے کا اعلان کردیا۔ دودھ ہماری خوارک کا بنیادی جز ہے لیکن روز مرہ کے استعمال میں جو ہم دودھ استعمال کرتے ہیں بڑا مشکل ہے اس کی جانچ کرنا کہ اس میں ملاوٹ ہے یا نہیں ۔ مگر اب ہوگا دودھ کا دودھ اور پانی کا پانی ۔ کیوں کہ اب پنجاب فوڈ اتھارٹی شہریوں کو یہ سہولت دینے جا رہی ہے کہ اگر آپ دودھ استعمال کرتے ہیں اور اس کو چیک کرانا ہے کہ یہ دودھ  اصلی ہے یا ملاوٹ والا ۔ تو آپ صرف تین منٹ میں یہ سہولت حاصل کر سکتے ہیں کہ اس میں کتنی ملاوٹ ہوئی ہے۔ پنجاب فوڈز اتھارٹی ہیڈ کوارٹر میں الیکٹرو اسکن مشین نصب کرنے جا رہی ہے جس سے کوئی بھی شہری آئے گا تو اسے دودھ کا سیمپل اور رزلٹ دیا جائے گا ۔ یہ سہولت اس سے پہلے گیارہ سو روپے میں دی جاتی تھی بتایا جاتا تھا کہ دودھ میں کتنا پاوٗڈر، دودھ اور پانی شامل ہے یہ سہولت شہر کے پانچ داخلی مقامات پر فوڈ اتھارٹی کے مراکز میں  بھی دستایب ہوں گی ۔ پنجاب فوڈ اتھارٹی کے ڈائریکٹر جنرل عرفان میمن کا کہنا تھا کہ ان کی کوشش ہے کہ شہریوں کو یہ معلوم ہوسکے کہ ان کو ملنے ولا دودھ کیسا ہے۔ تاکہ معاشرے میں خالص اشیائے صرف عوام تک پہنچیں ۔