جمعہ , 29 جنوری 2021ء
(344) لوگوں نے پڑھا
لاہور کے علاقہ شاہدرہ ٹاؤن میں آوارہ کتوں کے کاٹنے سے 4 بچے زخمی ہو گئے۔ تفصیلات کے مطابق اڑھائی سالہ احمد، 3 سالہ صنف عظیم ، 5 سالہ صائم اور 12 سالہ احسن گھر کے باہر کھیل رہے تھے کہ اچانک کتوں نے ان پر حملہ کردیا جس سے وہ شدید زخمی ہو گئے۔ چاروں بچوں کو علاج کے لئے شاہدرہ ہسپتال لے جایا گیا مگر ہسپتل میں کتوں کے کاٹنے کی ویکسین نہ ہونے کی وجہ سے انھیں میو ہسپتال منتقل کر دیا گیا۔ والدین کے مطابق کتوں نے احمد کو گال پر جبکہ صنف عظیم کو سر میں کاٹا۔ انہوں نے انتظامیہ سے مطالبہ کیا ہے کہ اِن آوارہ کتوں کو فوری تلف کیا جائے تاکہ مزید حادثات سے بچا جاسکے۔
