منگل , 08 ستمبر 2020ء
(140) لوگوں نے پڑھا
لاہور سے (ن) لیگ کے یونین کونسل 53سے سابق کونسلر اعزاز اکمل ملک نے اپنے ساتھیوں سمیت پاکستان مسلم لیگ پنجاب کے جنرل سیکرٹری سینیٹرکامل علی آغا سے ملاقات کی اور چوہدری شجاعت حسین؛ چوہدری پرویز الہٰی کی قیادت پر اعتماد کا اظہار کرتے ہوئے پاکستان مسلم لیگ میں شمولیت کا اعلان کیا اس موقع پرسینٹرکامل علی آغا نے گفتگو کرتے ہوئے کہا کہ مسلم لیگ کے دروازے محب وطن ساتھیوں کیلئے کھلے ہوئے ہیں ہم نئے شامل ہونے والوں کا فراخدلی سے استقبال کرینگے ان کی شمولیت سے مسلم لیگ فعال و مضبوط ہوگی ، انہوں نے کہا کہ بلدیاتی انتخابات کی آمد آمد ہے پاکستان مسلم لیگ نے بلدیاتی انتخابات میں بھر پور طریقہ سے حصہ لینے کا فیصلہ کیا ہے اس لیے کارکنوں کے ساتھ ساتھ نئے شامل ہونے والے بھی عوامی رابطہ مہم شروع کرکے بلدیاتی انتخابات کی تیاریاں کریں ۔ اپنے حلقہ احباب میں پاکستان مسلم لیگ کا پیغام محبت پہنچائیں اور زیادہ سے زیادہ لوگوں کو پاکستان مسلم لیگ میں شامل کریں تاکہ متحد اور مضبوط ہو کر ہم بلدیاتی انتخابات میں حصہ لے کرکامیابی حاصل کرسکیں۔
