جمعرات , 01 اکتوبر 2020ء
(239) لوگوں نے پڑھا
لاہور کے علاقے سبزہ زار میں فوڈ اتھارٹی نے جعل ساز مافیا کے خلاف گرینڈ آپریشن کیا۔ جہاں مضر صحت ناقص کیچپ اور مایونیز تیار کرنے والی فیکٹری پر چھاپہ کر 2112 کلو ناقص کیچپ اورمایونیز برآمد کیے گئے۔ انٹیق برانڈ میکر نامی فیکٹری سربمہر کر دی. ایک ہزار 88 کلو چیلی گارلیک ساس، ایک ہزار 84 کلو مایونیز، 550 پیکٹ کیچپ تلف، 275 کلو گرین چیلی ساس، بھاری مقدار میں کھلے رنگ اور انڈسٹریل کیمیکل ضائع کئے گئے۔ ڈی جی پنجاب فوڈ اتھارٹی عرفان میمن کا کہنا تھا کہ کھلے رنگوں اور انڈسڑیل کیمیکلز سے مایونیز اور چیلی گارلیک ساس تیار کی جا رہی تھی۔ غلط لیبلنگ اور پروڈکشن ایریا میں واش روم اور صفائی کے انتہائی ناقص انتظامات پائے گئے۔ ویجیلنس سیل نے سپلائی چین کی ریکی کر کے پروڈکشن یونٹ کا سراغ لگایا۔ ڈی جی فوڈ اتھارٹی عرفان میمن کا مزید کہنا تھا کہ خوراک میں ملاوٹ، جعل سازی اور دھوکہ دہی کرنے والوں کے خلاف سخت قانونی کارروائی کی جائے گی۔
