پیر , 02 نومبر 2020ء
(238) لوگوں نے پڑھا
نشتر پارک سپورٹس کمپلیکس میں فائیو سٹار ہوٹل کے قیام کے حوالے سے سٹیک ہولڈرز کا اجلاس منعقد ہوا۔ اجلاس میں سپورٹس بورڈ پنجاب، پاکستان کرکٹ بورڈ، پولیس، پبلک پرائیویٹ اتھارٹی پنجاب، ایس ایم یو کے عہدیدار شریک ہوئے۔ فائیو سٹار ہوٹل کی تعمیر سے لاہور میں میچز کے دوران سیکورٹی مسائل میں آسانی ہوگی۔ وزیر کھیل نے بتایا کہ نشتر پارک اسپورٹس کمپلیکس میں جدید سہولیات سے آراستہ فائیو اسٹار ہوٹل تعمیر کیا جائے گا۔ فائیو اسٹار ہوٹل کرکٹ سمیت تمام کھیلوں کے مقابلوں کے دوران دستیاب ہوگا۔ منصوبے کے لیے کنسلٹنٹ کی خدمات حاصل کرنے کے لیے تین کروڑ روپے کی منظوری بھی دی گئی۔ تیمور بھٹی کا کہنا تھا کہ ہوٹل کی تعمیر سے لاہور کے شہریوں کے لیے آسانی ہوگی۔ حکومت پنجاب کی جانب سے سیکورٹی کے لیے خرچ کیے جانے والے وسائل میں بھی بچت ہوگی۔