جمعرات , 29 اپریل 2021ء
(267) لوگوں نے پڑھا
لاہور کے علاقہ گلبرگ ایچ بلاک میں صاف پانی کی فراہمی کے لئے لگایا گیا فلٹریشن پلانٹ خراب ہوگیا۔ تفصیلات کے مطابق یہ پلانٹ واسا کی جانب سے لگایا گیا تھا جو کہ اپنی معیاد پوری ہونے سے پہلے ہی تکنیکی خرابی کا شکار ہوگیا۔ پانی لینے کے لئے آنے والے شہریوں کا کہنا تھا کہ گرمیاں شروع ہوتے ہی پہلے گھروں میں پانی آنا بند ہوا اور اب فلٹریشن پلانٹ بھی خراب ہوگیا ہے۔ لوگوں نے انتظامیہ اور واسا کے حکام سے اپیل کی ہے کہ پانی کی فراہمی کے لئے فلٹریشن پلانٹ کو ٹھیک کروایا جائے تاکہ عوام کو پینے کا پانی میسر آسکے۔