پیر , 19 اپریل 2021ء
(270) لوگوں نے پڑھا
بین الاقوامی شہرت یافتہ ڈھولچی گونگا سائیں کا انتقال ہوگیا۔ تفصیلات کے مطابق اُن کی موت حرکت قلب بند ہونے کے سبب ہوئی انکی نماز جنازہ 11 بجے سبزہ زار لیاقت چوک کے قریب ادا کی گئی جبکہ ان کی تدفین لاہور کے ٹھوکر نیاز بیگ قبرستان میں کی گئی۔ انہوں نے پاکستان اور یورپی ممالک سمیت دنیا بھر میں اپنے فن کا مظاہرہ کیا۔ انہیں متعدد دفعہ عالمی ایوارڈوں سے بھی نوازا گیا۔ اپنے مخصوص انداز سے ڈھول بجا کر جرمنی، برطانیہ اور امریکہ میں صوفی موسیقی کو روشناس کرایا۔
گونگا سائیں کی وجہ شہرت صوفی طرز کے ڈھول کی تھاپ پر دیوانہ وار رقص تھا۔ یہ رقص وہ خود ہی ڈھول بجاتے ہوئے کرتے اور ان کا یہ لازوال مظاہرہ ہر جمعرات کو شاہ جمال کے مزار پر سینکڑوں لوگ دیکھنے آتے۔
اس فن میں مہارت پر حال ہی میں گونگا سائیں اور پپو سائیں کو بی بی سی کے عالمی مقابلے میں بہترین جنوبی ایشیائی موسیقی کا انعام بھی دیا گیا ہے۔