پیر , 29 مارچ 2021ء
(485) لوگوں نے پڑھا
لاہور کے علاقہ ستوُ قتلہ میں تاجر سے بھتہ فراہم کرنے کا مطالبہ کر لیا گیا۔ تفصیلات کے مطابق بھتہ مافیا کی جانب سے تاجر میاں فیصل مجید کو 2 کروڑ روپے بھتہ دینے کی پرچی فراہم کی گئی اور مطلوبہ رقم فراہم نہ کرنے کی صورت میں جان سے مارنے کی دھمکی بھی دی گئی جس پر متاثرہ تاجر نے پولیس سے رابطہ کرکے نامعلوم افراد کے خلاف مقدمہ درج کروا دیا۔ ایف آئی آر کے متن کے مطابق بھتہ مافیا کی جانب سے فراہم کی جانے والی پرچی پر گولی کا نشان بھی بنا ہوا ہے اور ہدایت کی گئی کہ مطلوبہ رقم گاڑی میں رکھ کر اسے گھر کے باہر کھڑا کردیا جائے اور دھمکی دی گئی کے ہدایات پرعمل نہ کرنے کی صورت میں اس کی گردن کاٹ دی جائے گی۔ پولیس نے ایف آئی آر کے اندراج کے بعد کارروائی کا آغاز کردیا۔
