جمعرات , 01 اپریل 2021ء
(407) لوگوں نے پڑھا
لاہور میں جی ٹی روڈ پر واقع یونیورسٹی آف انجینئرنگ اینڈ ٹیکنالوجی کی جانب سے سالانہ انٹری ٹیسٹوں کی تاریخ کا اعلان کردیا گیا۔ تفصیلات کے مطابق یونیورسٹی کی جانب سے شیڈیول جاری کیا گیا جس کے تحت انٹری ٹیسٹ 24 مئی سے لیکر 27 مئی تک منعقد ہوں گے۔ اس موقع پر ترجمان انتظامیہ یو ای ٹی نے کہا کہ 12 اپریل سے 17 مئی تک انٹری ٹیسٹ کیلئے ٹوکن حاصل کیا جا سکتا ہے جبکہ 18 مئی تک طلبہ کو ایڈمٹ کارڈ جاری کر دیئے جائیں گے۔ انٹری ٹیسٹ کے نتائج کا اعلان 31 مئی تک کیا جائے گا۔ ٹیسٹوں کا شیڈیول جاری کردیا گیا ہے تاہم کورونا وائرس کی صورتحال قابو میں رہنے پر ہی انٹری ٹیسٹ منعقد کئیے جائیں گے۔
