جمعرات , 08 اپریل 2021ء
(391) لوگوں نے پڑھا
لاہور کے علاقے ڈیفنس میں پولیس کانسٹیبل اور اس کی بیوی کو بااثر افراد نے تشدد کا نشانہ بنا ڈالا۔ تفصیلات کے مطابق سات افراد نے کانسٹیبل اور اس کی بیوی کو تشدد کا نشانہ اس لئے بنایا کہ پولیس کانسٹیبل نے انہیں گاڑی ہٹانے کا کہا تھا جس پر بااثر افراد نے یہ کہ کر کہ ہم منشاء سندھو کے بھتیجے ہیں تم نے ہمیں کیسے کچھ کہا اور وردی میں موجود کانسٹیبل حیدر رضا اور اس کی بیوی سیدہ اسماء حیدر کو تشدد کا نشانہ بنا ڈالا اطلاع ہے کہ خاتون کے کپڑے بھی پھاڑدیئے گئے۔ کانسٹیبل نے ایک وڈیو جاری کی جس میں اس کا کہنا تھا کہ اس نے دوران تشدد پولیس کو بھی کال کی لیکن پولیس موقع پر نہیں پہنچ سکی وڈیو وائرل ہونے کے بعد محکمہ الرٹ ہوا اور سی سی پی او لاہور غلام محمود ڈوگر نے واقعہ کا نوٹس لیا۔ جس کے بعد ڈیفنس بی پولیس نے کانسٹیبل حیدر رضا کی بیوی سیدہ اسماء حیدرکی مدعیت میں مقدمہ درج کیا۔
