پیر , 17 مئی 2021ء
(219) لوگوں نے پڑھا
لاہور کے علاقہ ہربنس پورہ میں کورونا وباء کی زد میں آکر فرنٹ لائن سپاہی جان کی بازی ہار گیا۔ تفصیلات کے مطابق تھانہ ہربنس پورہ کے ہیڈ کانسٹیبل احمد کا کورونا کے باعث انتقال ہوا۔ پولیس ترجمان کے مطابق ہیڈ کانسٹیبل احمد کی طبیعت خراب ہونے پر اس کا کورونا ٹیسٹ کروایا گیا تھا جس کی رپورٹ مثبت آئی تھی اور وہ میو ہسپتال میں زیر علاج تھا جہاں وہ جانبر نہ ہو سکا۔ یاد رہے کہ پولیس کانسٹیبل احمد سے پہلے بھی لاہور پولیس کے 6 اہلکار کورونا کے باعث جاں بحق ہو چکے ہیں۔
