بدھ , 04 نومبر 2020ء
(162) لوگوں نے پڑھا
کمشنر لاہور ڈویژن وایڈمنسٹریٹر بلدیہ عظمیٰ لاہور ذوالفقار احمد گھمن نے سخت ایکشن لیتے ہوئے نشتر پارک قذافی اسٹیڈیم روڈ کی لائٹس رات گئے بند پائے جانے پر بلدیہ عظمیٰ کے سب انجینئرمحمدعثمان اور لائٹ چیکر اصغر علی کو معطل کر دیا جبکہ ایم او انفراسٹرکچر عبدالقیوم نیازی، ایس ڈی او ندیم انصاری اور ڈی ایم او انفرا ملک اجمل کو شو کاز جاری کر دیئے۔ سی سی او شوکت علی نے نوٹیفکیشن جاری کیے ہیں۔ کمشنر لاہور نے کہا کہ سٹریٹ لائٹس کے حوالے سے پہلے مرحلے میں ماڈل روڈز اور اہم سڑکوں کی لائٹس روشن اور فعال رکھنے کا ٹاسک دیا گیا ہے۔ کمشنر لاہور نے کہا کہ افسران کا فرض ہے کہ وہ دیئے گئے اہداف کے حصول کیلئے روزانہ چیکنگ کریں اور بغیر کسی تاخیر کے خراب لائٹس کو تبدیل یا مرمت کرائیں۔ کمشنر لاہور کے نوٹس کے فوری بعد بلدیہ عظمی لاہور کے عملہ نے نشتر پارک کی لائٹس ٹھیک کر دیں۔
